தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

எதிக்கட்சி என்பது பாராளுமன்ற உறுப்பினர்களின் எண்ணிக்கையை அடிப்படையாகக் கொண்டு தீர்மானிக்கப்படுவதல்ல. தற்போது தமக்கான உண்மையான எதிர்க்கட்சி எதுவென்பதை மக்கள் ஏற்கனவே தீர்மானித்துவிட்டனர் என்று மக்கள் விடுதலை முன்னணியின் (ஜே.வி.பி.) பாராளுமன்ற உறுப்பினர் விஜித ஹேரத் தெரிவித்தார்.

ஜே.வி.பி. தலைமையகத்தில் இன்று புதன்கிழமை நடைபெற்ற ஊடகவியலாளர் சந்திப்பில் , எதிர்க்கட்சி தலைவர் விவகாரம் தொடர்பில் எழுந்துள்ள சர்ச்சை குறித்து கேள்வியெழுப்பிய போது இதனைத் தெரிவித்த அவர் மேலும் கூறுகையில் ,

நாட்டுக்கு பொறுத்தமான எதிர்க்கட்சி எதுவென்பதை மக்கள் தீர்மானித்து விட்டனர். பாராளுமன்றத்தில் உறுப்பினர்களின் எண்ணிக்கையை அடிப்படையாகக் கொண்டு மக்கள் தமக்கான எதிர்க்கட்சியை தெரிவு செய்வதில்லை.

மக்கள் அவர்களது உண்மையான எதிர்க்கட்சியை தெரிவு செய்வார்கள். எது உண்மையான எதிர்க்கட்சி என்பதும் , எந்த எதிர்க்கட்சி அவர்களின் தேவையை பொறுப்பையும் நிறைவேற்றுகிறது என்பதும் மக்களின் மனதில் தெளிவாகவுள்ளது என்றார்.