எம்.மனோசித்ரா
ஐக்கிய தேசிய கட்சியின் உறுப்பினர்களாக தெரிவாகிய போதிலும் , எதிர்தரப்பினருக்கு ஆதரவாக செயற்பட்டு வழி தவறி செயற்பட்டவர்களை மீண்டும் கட்சியுடன் இணைந்து அதன் மேம்பாட்டுக்கு ஒத்துழைப்பு வழங்க அழைப்புவிடுப்பதாக அக்கட்சி அறிவித்துள்ளது.
ஐக்கிய தேசிய கட்சியிலிருந்தும் பதவிகளிலிருந்தும் நீக்கப்பட்ட சிலர் அந்த தீர்மானத்திற்கு எதிராக மேன்முறையீட்டு நீதிமன்றத்தில் மனுத்தாக்கல் செய்திருந்த நிலையில் அந்த மனுக்கள் தள்ளுபடி செய்யப்பட்டுள்ளன. இது தொடர்பில் நேற்று வெள்ளிக்கிழமை அறிக்கையொன்றை வெளியிட்டு ஐ.தே.க. இதனைத் தெரிவித்துள்ளது.
அந்த அறிக்கையில் மேலும் கூறப்பட்டுள்ளதாவது,
ஐக்கிய தேசிய கட்சியை பிரதிநிதித்துவப்படுத்தும் போது வேறொரு கட்சிக்காக பணியாற்றும் எந்தவொரு உறுப்பினரும் நிராகரிக்கப்படுவார் என்ற கட்சி அரசியலமைப்பிற்கு அமைய மேல்முறையீட்டு நீதிமன்றம் வழங்கிய தீர்ப்பை ஐக்கிய தேசிய கட்சி ஏற்றுக்கொள்கிறது.
ஐக்கிய தேசிய கட்சியின் அரசியலமைப்பின் கீழ் , கட்சி உறுப்புரிமையைப் பெறுபவர்கள் அதற்கமைய தமது கடமையை நிறைவேற்ற வேண்டும். எனினும் ஐக்கிய தேசிய கட்சியின் உறுப்பினராக தெரிவாகி எதிர்தரப்பினருக்கு ஆதரவாக செயற்பட்டமையால் கட்சியிலிருந்து நீக்கப்பட்டவர்கள் மேன்முறையீட்டு நீதிமன்றத்தில் மனு தாக்கல் செய்திருந்தனர்.
எனினும் அந்த மனுக்கள் தள்ளுபடி செய்யப்பட்டு, குறித்த உறுப்பினர்களை வெளியேற்றுவதற்கு கட்சியில் எடுத்த முடிவையும் அவர்களை பதவிகளில் இருந்து நீக்கியமையையும் நீதிமன்றம் ஏற்றுக்கொண்டுள்ளது.
ஐக்கிய தேசிய கட்சியின் ஊடாக தெரிவு செய்யப்பட்ட உறுப்பினர்கள் கட்சிக்காகவும் கட்சியின் ஆதரவாளர்களுக்காவும் செயற்படுவர் என்று கட்சி எதிர்பார்க்கிறது. எனவே கடந்த காலங்களில் வழி தவறிய உறுப்பினர்கள் மீண்டும் ஐக்கிய தேசிய கட்சியுடன் இணைந்து அதன் மேம்பாட்டுக்கு ஒத்துழைக்குமாறு அழைப்பு விடுக்கப்படுகிறது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM