அடிப்படைவாத வகுப்புக்களை ஏற்பாடு செய்தமை , கலந்துகொண்டமை தொடர்பில் சந்தேகநபர் கைது

21 May, 2021 | 08:21 PM

(செ.தேன்மொழி)

அடிப்படைவாத வகுப்புகளை ஏற்பாடு செய்தமை தொடர்பில் மாவனல்ல பகுதியைச் சேர்ந்த சந்தேகநபரொருவர் பயங்கரவாத தடுப்பு பிரிவினரால் நேற்று வியாழக்கிழமை கைதுசெய்யப்பட்டுள்ளதாக பொலிஸ் ஊடகப்பேச்சாளர் பிரதி பொலிஸ்மா அதிபர் அஜித்ரோஹண தெரிவித்தார்.

இது தொடர்பில் அவர் மேலும் கூறியதாவது,

ஒலுவில், மூதூர் மற்றும் மாவனெல்ல ஆகிய பகுதிகளில் சஹ்ரான் ஹாசிமின் அடிப்படைவாத வாகுப்புகளை ஏற்பாடு செய்தமை மற்றும் அதில் கலந்துக் கொண்டமை தொடர்பில் இதுவரையில் ஆறு பேர் கைது செய்யப்பட்டுள்ளனர்.

இதே போன்று அடிப்படைவாத வகுப்புகளை ஏற்பாடு செய்தமை தொடர்பில் நேற்று வியாழக்கிழமை மாவனெல்ல - எம்மாத்தகம பகுதியைச் சேர்ந்த 29 வயதுடைய சந்தேகநபரொருவர் பயங்கரவாத தடுப்பு பிரிவினரால் கைது செய்யப்பட்டுள்ளார்.

இவ்வாறு கைது செய்யப்பட்டுள்ள சந்தேகநபர்கள் பயங்கரவாத தடைச்சட்டத்தின் கீழ் தடுத்துவைக்கப்பட்டு பயங்கரவாத தடுப்பு பிரிவினரால் விசாரணைக்குட்படுத்தப்பட்டுள்ளனர் என்றார்.