தவறவிடாதீர்கள்..!உடனே பதிவு செய்யுங்கள்

(எம்.ஆர்.எம்.வசீம்)

கொவிட் தடுப்பூசி ஏற்றும் நடவடிக்கை கொழும்பு மாநகர அதிகார பிரதேசத்தில் 8 இடங்களில் இடம்பெற்றுவருகின்றது. நாளைய தினமும் இடம்பெறுகின்றது என கொழும்பு மாநகர சபை தொற்று நோய் தொடர்பான வைத்தியர் தினுகா குருகே தெரிவித்தார்.

கொழும்பு மாநகர சபை பிரதேசத்தில் கொவிட் தடுப்பூசி ஏற்றும் வேலைத்திட்டம் தொடர்பாக குறிப்பிடுகையிலேயே இவ்வாறு தெரிவித்தார்.

இதுதொ்டர்பாக அவர் தொடர்ந்து குறிப்பிடுகையில்,

கொழும்பு மாநகர அதிகார பிரத்தேசத்தில் கொவிட் தடுப்பூசி ஏற்றும் நடவடிக்கை 8 இடங்களில் இடம்பெற்று வருகின்றன. அதில் மக்கள் குறிப்பிட்ட இடங்களுக்கு சென்று தடுப்பூசியை ஏற்றிக்கொள்ளும் 5 இடங்கள் செயற்படுகின்றன.

அதேபோன்று ஒன்லைன் ஈசெனல் ஊடாக முன் கூட்டியே அனுமதி பெற்று தடுப்பூசி ஏற்றும் 3 இடங்கள் செயற்பட்டு வருகின்றன.

இவ்வாறு தடுப்பூசி ஏற்றும் மத்திய நிலையங்கள் மட்டக்குளி, பொரளை, முகலன் வீதி, வெள்ளவத்தை ரோக்சி பிரதேசத்தில் அமைந்துள்ளன.

இன்றைய தினம் தடுப்பூசி ஏற்றும் நடவடிக்கை இந்த இடங்களில் இடம்பெற்றதுபோல் இன்றைய தினமும் தடுப்பூசி ஏற்றும் நடவடிக்கை குறிப்பிட்ட இடங்களில் அவ்வாறே இடம்பெற ஏற்பாடு செய்திருக்கின்றோம் என்றார்.

இதேவேளை, அஸ்ட்ரா செனிகா முதலாம் கட்ட தடுப்பூசி ஏற்றிய 9 இலட்சித்தி 25ஆயிரத்தி 242பேரில், இதுவரை 2 இலட்சத்தி 67ஆயிரத்தி 77பேருக்கு அதன் இரண்டாம் கட்ட தடுப்பூசி ஏற்றியிருப்பதுடன் சைனோபாம் முதலாம் கட்ட தடுப்பூசி இதுவரை 3இலட்சித்தி 75ஆயிரத்தி 316பேருக்கு ஏற்றியிருப்பதாக சுகாதார அமைச்சின் ஊடக பேச்சாளர் வைத்தியர் ஹேமன்த ஹேரத் தெரிவித்தார்.

மேலும் நேற்று ஞாயிற்றுக்கிழமை மாத்திரம் அஸ்ட்ரா செனிகா இரண்டாம் கட்ட தடுப்பூசி ஆயிரத்தி 612பேருக்கு ஏற்றியிருப்பதுடன் சைனோபாம் முதலாம் கட்ட தடுப்பூசி 26ஆயிரத்தி 697பேருக்கு ஏற்றி இருப்பதாகவும் அவர் தெரிவித்தார்.