பிரான்ஸ் அரசாங்கத்தின் மிக உயர்ந்த விருதான செவாலியர் விருதை மறைந்த நடிப்பு ஆசான் நடிகர் திலகம் டாக்டர். சிவாஜிகணேசனுக்கு கொடுத்து கௌரவித்தது. 

அதேபோல் இன்று எங்கள் சகோதரர் உலக நாயகன் டாக்டர். கமல்ஹாசனுக்கு செவாலியர் விருதினை பிரான்ஸ் அரசாங்கம் அறிவித்துள்ளதை தமிழ் திரையுலகிற்கு கிடைத்த ஒரு அங்கீகாரமாக நாங்கள் மகிழ்ச்சி அடைகின்றோம். நடிகர் திலகம் சிவாஜி கணேசனால் பாராட்டப்பட்ட கமல்ஹாசனுக்கு அதே செவாலியர் விருது கிடைத்திருப்பது சினிமா ரசிகர்கள் மட்டுமின்றி அனைத்து தரப்பு ரசிகர்களுக்கும் சந்தோசத்தை கொடுத்துள்ளது.

செவாலியர் விருது பெற்ற நடிகர் திலகம் சிவாஜி கணேசனுக்கு பெரும் விழா எடுத்து சிறப்பித்தது போல், கமல்ஹாசனுக்கும் மாபெரும் விழா எடுக்க விரும்புகிறோம். இது அவரை நேரில் சந்தித்த பிறகு முடிவாகும். 

செவாலியர் விருது கிடைத்த எங்கள் சகோதரர் கமல்ஹாசனுக்கு தென்னிந்திய நடிகர் சங்க நிர்வாகிகள், உறுப்பினர்கள் மற்றும் அனைவர் சார்பிலும் வாழ்த்துதல்களையும் பாராட்டுதல்களையும் தெரிவித்து கொள்கிறோம்.

தகவல் : சென்னை அலுவலகம்