தவறவிடாதீர்கள்..!உடனே பதிவு செய்யுங்கள்

முன்னாள் பொலிஸ்மா அதிபர் மஹிந்த பாலசூரிய தனது 68 ஆவது வயதில் காலமானார்.

அவர் நேற்றைய தினம் கொழும்பில் அமைந்துள்ள தனியார் வைத்தியசாலையொன்றில் காலமானதாக பிரதிப் பொலிஸ்மா அதிபரும், பொலிஸ் ஊடகப் பேச்சாளருமான அஜித் ரோஹன தெரிவித்துள்ளார்.

அவரது இறுதிச் சடங்குகள் நாளை பொரளை பொது மயானத்தில் நடைபெறும்.

இலங்கையின் 32 ஆவது பொலிஸ்மா அதிபருமான மஹிந்த பாலசூரிய 119 என்ற பொலிஸ் அவசரகால இலக்கத்தை அறிமுகப்படுத்துவதில் முன்னோடியாக இருந்தார்.

மஹிந்த பாலசூரிய 1978 இல் பொலிஸ் சேவையில் இணைந்தார், 2010 மற்றும் 2011 க்கு இடையில் பொலிஸ் மா அதிபராக கடமையாற்றினார்.

பிரேஸில் மற்றும் ஐக்கிய அரபு எமீரகத்திற்கான இலங்கை தூதராகவும், 2014 ஆம் ஆண்டில் சட்டம் மற்றும் ஒழுங்கு அமைச்சகத்தின் செயலாளராகவும் அவர் பணியாற்றியுள்ளார்.