தவறவிடாதீர்கள்..!உடனே பதிவு செய்யுங்கள்

(எம்.எம்.சில்வெஸ்டர்)

இலங்கையின் முன்னாள் கிரிக்கெட் வீரரான நுவன் சொய்சாவுக்கு அனைத்து வகையான கிரிக்கெட்டின் சகல நடவடிக்கைகளிலும் பங்கேற்க ஆறு ஆண்டு கால தடையை சர்வதேச கிரிக்கெட் சபை (ஐ.சி.சி) விதித்துள்ளது.

ஐ.சி.சி. யின் ஊழல் தடுப்புச் சட்டத்தை மீறிய குற்றம் நிரூபிக்கப்பட்டதை அடுத்து, நுவன் சொய்சாவுக்கு தடை விதிக்கப்பட்டுள்ளதாக ஐ.சி.சி.யின். பொதுமுகாமையாளர் அலெக்ஸ் மார்ஷல் அறிக்கையொன்றின் மூலம் தெரிவித்துள்ளார்.

2018ஒக்டோபர் 31 இல் சொய்சாவுக்கான தடை தற்காலிகமாக இடைநீக்கம் செய்யப்பட்டது. 

முன்னர் அறிவுறுத்தியபடி எழுத்துமூல மற்றும் வாய்மொழி மூல அறிக்கையின்படி, முழு விசாரணைகள் மற்றும் விளக்கக்காட்சிகளைத் தொடர்ந்து, ஐ.சி.சி.யின் ஊழல் தடுப்பு பிரிவு நுவன் சொய்சாவை குற்றவாளி எனக் கண்டறிந்தது.

ஐ.சி.சி.யின் 2.1.1 ஆம் பிரிவு, 2.1.4 ஆம் பிரிவு, 2.4.4 ஆம் பிரிவு ஆகிய சட்டங்களின் கீழ் ஊழல் நிறைந்த நடத்தைகளில் ஈடுபடுவதற்கு பெறப்பட்ட எந்தவொரு அணுகுமுறைகள் அல்லது அழைப்புகள் பற்றிய முழு விபரங்களையும் ஊழல் தடுப்பு பிரிவுக்கு வெளிப்படுத்தத் தவறியமை போன்ற குற்றச்சாட்டுகளில் குற்றவாளியாக காணப்பட்டார்.

இதுகுறித்து ஐ.சி.சியின் பொது முகாமையாளர் அலெக்ஸ் மார்ஷல் கூறுகையில், 

 “நுவன் இலங்கைக்காக125 போட்டிகளில் விளையாடியுள்ளார், ஒரு தசாப்த கால சர்வதேச வாழ்க்கையில் பலமுறை ஊழல் எதிர்ப்பு அமர்வுகளில் கலந்து கொண்டிருந்தார். 

அவர் ஒரு தேசிய பயிற்றுநர் என்ற ரீதியில், அவர் ஒரு முன்மாதிரியாக செயற்பட்டிருக்க வேண்டும். 

ஆயினும், அவர் ஊழல்வாதியொருவருடன்தொடர்பு கொண்டு ஏனையோரையும் ஊழலில் ஈடுபடுத்த முயற்சித்துள்ளார். 

ஒரு விளையாட்டை சரிசெய்ய முயற்சிப்பது விளையாட்டுக் கொள்கைகளின் அடிப்படையை காட்டிக்கொடுக்கிறது. இது எங்கள் விளையாட்டில் பொறுத்துக்கொள்ளமுடியாது ”என அலெக்ஸ் மார்ஷல் தெரிவித்தார்.