தவறவிடாதீர்கள்..!உடனே பதிவு செய்யுங்கள்

நாட்டில் நேற்றைய தினம் மொத்தமாக 284 புதிய கொரோனா நோயாளர்கள் அடையாளம் காணப்பட்டுள்ளனர்.

இதனால் இலங்கையில் பதிவான மொத்த கொரோனா நோயாளர்களின் எண்ணிக்கையானது 94,848 ஆக உயர்வடைந்துள்ளதாக சுகாதார அமைச்சின் தேசிய தொற்றுநோயியல் பிரிவு தெரிவித்துள்ளது.

நேற்றைய தினம் அடையாளம் காணப்பட்ட கொரோனா நோயாளர்களில் 214 பேர் மினுவாங்கொட - பேலியகொட கொவிட்-19 கொத்தணிப் பரவலுடன் தொடர்புடையவர்கள் ஆவர்.

54 பேர் வெளிநாடுகளிலிருந்து வருகை தந்தவர்களும் ஏனையவர்கள் சிறைச்சாலை கொத்தணியுடன் அடையாளம் காணப்பட்டுள்ளனர்.

இதற்கிடையில் நேற்றைய தினம் 184 கொரோனா நோயாளர்கள் பூரண குணமடைந்து வைத்தியசாலைகளிலிருந்து வெளியேறியுள்ளமையினால் மொத்தமாக குணமடைந்தோரின் எண்ணிக்கையும் 91,456 ஆக உயர்வடைந்துள்ளது.

தற்சமயம் கொரோனா தொற்றுக்குள்ளான 2,796 நபர்கள் சிகிச்சை பெற்று வருவதுடன், சந்தேகத்தில் 291 நபர்கள் வைத்தியக் கண்காணிப்பிலும் உள்ளனர்.

நேற்றைய தினம் கொரோனா வைரஸ் தொற்றினால் பாதிக்கப்பட்டவர்களில் மேலும் ஒருவர் உயிரிழந்துள்ளதை சுகாதார சேவைகள் பணிப்பாளர் நாயகம் உறுதி செய்துள்ளார்.

இதற்கமைவாக , இலங்கையில் கொரோனா தொற்றுக்கு உள்ளாகி உயிரிழந்தோரின் எண்ணிக்கை 596 ஆக அதிகரித்துள்ளதாக அரசாங்க தகவல் திணைக்களம் வெளியிட்டுள்ள ஊடக அறிக்கையில் தெரிவிக்கப்பட்டுள்ளது.