தவறவிடாதீர்கள்..!உடனே பதிவு செய்யுங்கள்

நுவரெலியா - வெளிமடை  பிரதான வீதியில் ஹக்கல என்ற இடத்தில் முச்சக்கரவண்டி மீது கனரக வாகனம் வீழ்ந்து விபத்துக்குள்ளானதில் 3 பெண்கள் உயிரிழந்துள்ளதுடன் ஒருவர் காயமடைந்துள்ளதாக பொலிஸார் தெரிவித்தனர்.

எல்ல பகுதியிலிருந்து நுவரெலியாவிற்கு சென்று, மீளவும் எல்ல பகுதிக்கு திரும்பிக்கொண்டிருந்த முச்சக்கர வண்டியில், எதிர் திசையில் வந்த கனரக லொறியொன்றுடன் மோதியே இவ்விபத்து இடம்பெற்றுள்ளது. 

இவ்விபத்தில் 51,52,20 வயதுகளுடைய மூன்று பெண்களே பலியானவர்களாவார். முச்சக்கரவண்டியில்  பயணித்தவர்களே பலியானவர்களாவர். முச்சக்கர வண்டி சாரதி காயமடைந்து நுவரெலியா அரசாங்க வைத்தியசாலைக்கு கொண்டு செல்லப்பட்டு, சிகிச்சைகள் மேற்கொள்ளப்பட்டு வருகின்றார்.

இவரது நிலை கவலைக்கிடமாக இருப்பதாக வைத்தியசாலை வட்டாரங்கள் தெரிவிக்கின்றன. 

வெளிமடை பொலிஸார் மேற்படி விபத்துக் குறித்து தீவிர  விசாரணைகளை மேற்கொண்டு வருகின்றனர். அத்துடன் விபத்துக்கான கனரக லொரியின் சாரதியையும் வெளிமடை பொலிசார் கைது செய்துள்ளனர்.