மோடியின் விஜயத்துக்கு எதிரான பங்களாதேஷ் வன்முறையில் 13 பேர் பலி

Published By: Vishnu

29 Mar, 2021 | 10:30 AM
image

பங்களாதேஷ் காவல்துறையினருக்கும் ஆர்ப்பாட்டக்காரர்களுக்கும் இடையிலான புதிய மோதல்களின் விளைவாக ஞாயிற்றுக்கிழமை இரண்டு பேர் உயிரிழந்துள்ளனர்.

இந்தியாவின் இந்து-தேசியவாத தலைவரின் (நரேந்திர மோடி) விஜயத்துக்கு எதிர்ப்பு தெரிவித்து, பங்களாதேஷில் போராட்டங்கள் முன்னெடுக்கப்பட்டு வருவதுடன், அதனால் உயிரிழந்தவர்களின் எண்ணிக்கையும் 13 ஆக உயர்த்தியுள்ளது என்று அதிகாரிகள் தெரிவித்தனர்.

டாக்கா-மைமென்சிங் நெடுஞ்சாலையில் ஞாயிற்றுக்கிழமை காலை 10 மணியளவில் ஏற்பட்ட மோதலில் போலிசார் உட்பட மொத்தம் 6 பேர் காயமடைந்தனர்.

போராட்டக்காரர்களை கலைக்க போலிசார் கண்ணீர்ப்புகைக் குண்டுகளை பயன்படுத்தியுள்ளனர்.

168 மில்லியன் மக்களைக் கொண்ட முஸ்லிம் பெரும்பான்மை நாடானா பங்களாதேஷ் முழுவதும் பல முக்கிய மாவட்டங்களில் ஆர்ப்பாட்டக்காரர்கள் மீது பொலிஸா துப்பாக்க பிரயோகம் மேற்கொண்டு வருகின்றனர்.

அதனால் வெள்ளிக்கிழமை ஐவர் உயிரிழந்தனர், சனிக்கிழமை ஆறு பேர் உயிரிழந்துள்ளனர். 

இந் நிலையிலேயே கிராமப்புற நகரமான சரேலில் ஞாயிற்றுக்கிழமை ஏற்பட்ட மோதல்களில் அதிகாரிகள் துப்பாக்கிச் சூடு நடத்தியதில், பிரம்மன்பேரியாவின் கிழக்கு மாவட்டத்தில், 19 வயது மற்றும் 23 வயதுடைய இரண்டு பேர் உயிரிழந்ததாக பொலிஸ் செய்தித் தொடர்பாளர் ஏ.எஃப்.பி செய்தி நிறுவனத்திடம் உறுதிபடுத்தியுள்ளார்.

எதிர்ப்பாளர்கள்  ஒரு நெடுஞ்சாலை காவல் நிலையத்தைத் தாக்கி, அதை தீக்கரையாக்கியுள்ளனர். இதனால் குறைந்தது 35 பொலிஸார் காயமடைந்தனர். இதன்போதே தற்காப்புக்காக பொலிசார் துப்பாக்கிச் சூடு நடத்தினர் என்றும் அவர் சுட்டிக்காட்டியுள்ளார்.

பங்களாதேஷ் நாட்டின் சுதந்திர பொன் விழாவில் இந்திய பிரதமர் நரேந்திர மோடி சிறப்பு விருந்தினராக அழைக்கப்பட்டு, இரண்டு நாட்கள் சுற்றுப்பயணம் ஒன்றை மேற்கொண்டார்.

மோடியின் விஜயத்துக்கு பங்களாதேஷிய மக்கள் எதிர்ப்பு தெரிவித்து போராட்டத்தில் ஈடுபட்டனர். மோடி பங்களாதேஷுக்கு வந்து சேர்ந்த வெள்ளிக்கிழமை முதல் பல்வேறு இடங்களில் போராட்டங்கள் நடைபெற்றுவருகின்றன.

இந் நிலையில் போராட்டங்களை நிறுத்துமாறு பங்களாதேஷின் உள்துறை அமைச்சர் அசாதுஸ்மான் கான் அழைப்பு விடுத்துள்ளமையும் குறிப்பிடத்தக்கது.

முக்கிய செய்திகள்

icon-left
icon-right

தொடர்பான செய்திகள்

news-image

தென் ஆபிரிக்க முன்னாள் ஜனாதிபதி ஸுமா...

2024-03-29 12:42:02
news-image

இஸ்ரேலின் தாக்குதலில் 36 சிரிய இராணுவத்தினர்...

2024-03-29 11:21:33
news-image

காசாவிற்கு தடையற்ற விதத்தில் உணவுப்பொருட்களையும் மருந்துகளையும்...

2024-03-29 10:23:49
news-image

தென்னாபிரிக்காவில் தவக்கால யாத்திரீகர்கள் சென்ற பஸ்...

2024-03-29 12:25:44
news-image

தலைமுடி அடிப்படையிலான பாரபட்சங்களுக்கு தடை: பிரெஞ்சு...

2024-03-28 19:33:27
news-image

லாவோஸில் 54 பேருக்கு அந்த்ராக்ஸ் தொற்று:...

2024-03-28 16:11:44
news-image

சுவீடனில் குர்ஆனை எரித்தவர் நோர்வேயில் புகலிடம்...

2024-03-28 14:08:37
news-image

அமெரிக்காவில் கத்திக்குத்து தாக்குதலில் நால்வர் பலி...

2024-03-28 12:32:13
news-image

2 ஆவது சந்திர இரவை கடந்து...

2024-03-28 12:12:27
news-image

நான்கு வருடங்கள் இன்ஸ்டாவில் ஒன்றாக தோன்றி...

2024-03-28 12:02:59
news-image

காங்கிரஸ் கட்சியின் வங்கிக்கணக்கு முடக்கம் -...

2024-03-28 11:26:20
news-image

கொலம்பியாவில் 11 கோடியே 30 இலட்சம்...

2024-03-28 10:41:47