ஐந்தாவது நாளாகவும் பற்றி எரியும் லெபனான்

Published By: Vishnu

07 Mar, 2021 | 12:20 PM
image

லெபனானின் பராமரிப்பாளர் பிரதம அமைச்சர் ஹசன் டயப், ஒரு புதிய அரசாங்கத்தை உருவாக்க அரசியல்வாதிகளுக்கு அழுத்தம் கொடுப்பதற்காக தனது கடமைகளை செய்வதை நிறுத்தப்போவதாக அச்சுறுத்தியதால், எதிர்ப்பாளர்கள் தொடர்ச்சியாக ஐந்தாவது நாளாக லெபனான் முழுவதும் வீதிகளை முடக்கி, டயர்கள் மற்றும் தளபாடங்களுக்கு தீ வைத்து எதிர்ப்பினை வெளிப்படுத்தி வருகின்றனர்.

சனிக்கிழமையன்று புதுப்பிக்கப்பட்ட ஆர்ப்பாட்டங்கள் லெபனான் நாணயத்தின் சரிவு குறித்த கோபத்தின் மத்தியில் எழுச்சி பெற்றது.

லெபனானின் நாணய சரிவின் விளைவாக விலைகள் கூர்மையாக அதிகரித்துள்ளன, அதே போல் எரிபொருள் ஏற்றுமதிகளின் வருகையும் தாமதமாகி, நாடு முழுவதும் அதிக மின்வெட்டுக்கு வழிவகுக்கிறது, சில பகுதிகளில் ஒரு நாளைக்கு 12 மணி நேரத்திற்கும் மேலாக மின் வெட்டு நீடிக்கிறது.

லெபனான் தலைநகரில் வங்கிச் சங்கத்தின் முன்னால் ஒரு சிறிய குழு எதிர்ப்பாளர்கள் தங்கள் வைப்புத்தொகையை அணுகக் கோரி, பின்னர் பெய்ரூட் நகரத்தில் உள்ள பாராளுமன்ற கட்டிடத்திற்கு நடந்து சென்று தங்கள் விரக்தியை வெளிப்படுத்தினர்.

மத்திய பெய்ரூட்டில் உள்ள தியாகிகள் சதுக்கத்தில் சுமார் 50 ஆர்ப்பாட்டக்காரர்கள் டயர்களை எரித்தனர்.

லெபனானின் ஏழ்மையான நகரமான திரிப்போலியில், எதிர்ப்பாளர்கள் பல வீதிகளை முடக்கி, நகர துறைமுகத்திற்கு அருகில் உள்ளிருப்பு போராட்டம் நடத்தினர்.

இதன்போது அனைத்து அரசியல் அதிகாரிகளையும் இராஜினாமா செய்யுமாறு அழைப்பு விடுத்ததாக அந் நாட்டு அதிகாரப்பூர்வ தேசிய செய்தி நிறுவனம் தெரிவித்துள்ளது. 

திரிப்போலி, மின்னி மற்றும் அக்கார் நகரங்களை இணைக்கும் வீதிகளில், லொரிகள், நீர் தொட்டிகள், குப்பைக் கொள்கலன்கள் போன்ற வாகனங்களை ஆர்ப்பாட்டக்காரர்கள் தடுத்தனர்.

2019 இல் வெடித்த லெபனானின் நிதி நெருக்கடி, ஆறு மில்லியனுக்கும் அதிகமான மக்களை வறுமையில் தள்ளியுள்ளது, வேலைகள் மற்றும் சேமிப்புகளை அழித்துவிட்டது மற்றும் நுகர்வோர் வாங்கும் சக்தியைக் குறைத்தது. 

முக்கிய செய்திகள்

icon-left
icon-right

தொடர்பான செய்திகள்

news-image

இஸ்ரேலின் தாக்குதலில் 36 சிரிய இராணுவத்தினர்...

2024-03-29 11:21:33
news-image

காசாவிற்கு தடையற்ற விதத்தில் உணவுப்பொருட்களையும் மருந்துகளையும்...

2024-03-29 10:23:49
news-image

தென்னாபிரிக்காவில் தவக்கால யாத்திரீகர்கள் சென்ற பஸ்...

2024-03-29 09:15:05
news-image

தலைமுடி அடிப்படையிலான பாரபட்சங்களுக்கு தடை: பிரெஞ்சு...

2024-03-28 19:33:27
news-image

லாவோஸில் 54 பேருக்கு அந்த்ராக்ஸ் தொற்று:...

2024-03-28 16:11:44
news-image

சுவீடனில் குர்ஆனை எரித்தவர் நோர்வேயில் புகலிடம்...

2024-03-28 14:08:37
news-image

அமெரிக்காவில் கத்திக்குத்து தாக்குதலில் நால்வர் பலி...

2024-03-28 12:32:13
news-image

2 ஆவது சந்திர இரவை கடந்து...

2024-03-28 12:12:27
news-image

நான்கு வருடங்கள் இன்ஸ்டாவில் ஒன்றாக தோன்றி...

2024-03-28 12:02:59
news-image

காங்கிரஸ் கட்சியின் வங்கிக்கணக்கு முடக்கம் -...

2024-03-28 11:26:20
news-image

கொலம்பியாவில் 11 கோடியே 30 இலட்சம்...

2024-03-28 10:41:47
news-image

வான்வழி விநியோகத்தை நிறுத்துமாறு ஹமாஸ் கோரிக்கை:...

2024-03-27 18:56:33