தமிழகத்தில் நடைபெறவிருக்கும் சட்டப்பேரவைத் தேர்தலில் அ.தி.மு.க கூட்டணியில் இடம் பெற்றிருக்கும் பாரதிய ஜனதா கட்சிக்கு இருபது தொகுதிகள் ஒதுக்கீடு செய்யப்பட்டுள்ளது.
தமிழக சட்டப்பேரவைக்கு ஏப்ரல் 6 ஆம் திகதி அன்று ஒரே கட்டமாக தேர்தல் நடைபெறுகிறது.
இந்த தேர்தலில் போட்டியிடும் தி.மு.க மற்றும் அ.தி.மு.க கூட்டணி கட்சிகளிடையே எந்த கட்சிகளுக்கு எவ்வளவு தொகுதி ஒதுக்கீடு செய்வது என்பது குறித்த பேச்சுவார்த்தை நடைபெற்று வருகிறது.
ஆளும் கட்சியான அ.தி.மு.க கூட்டணியில் பாரதிய ஜனதா கட்சி, பாட்டாளி மக்கள் கட்சி, தேசிய முற்போக்கு திராவிட கழகம், தமிழ் மாநில காங்கிரஸ் ஆகிய கட்சிகள் இடம் பெற்றுள்ளன.
இந்த கட்சிகளுடன் தொகுதி பங்கீடு தொடர்பாக பேச்சுவார்த்தை நடைபெற்று வருகிறது.
அ.தி.மு.க மற்றும் பா.ஜ.க இடையேயான தொகுதிப் பங்கீடு குறித்து பேச்சுவார்த்தை கடந்த வாரம் தொடங்கியது. இந்தப் பேச்சுவார்த்தையில் அ.தி.மு.க சார்பில் ஓ. பன்னீர்செல்வம், முதல்வர் எடப்பாடி கே. பழனிச்சாமி ஆகியோரும், பாரதிய ஜனதா கட்சி சார்பில் அக்கட்சியின் தமிழக தேர்தல் பொறுப்பாளரும், கட்சியின் தேசிய பொதுச் செயலாளருமான சி.டி ரவி மற்றும் தமிழக பா.ஜ.க தலைவர் எல். முருகன் உள்ளிட்டோரும் பங்குபற்றினர்.
பேச்சுவார்த்தையின் இறுதியில் 20 சட்டப்பேரவை தொகுதி மற்றும் கன்னியாகுமரி மக்களவைத் தொகுதி ஆகியவை பா.ஜ.க போட்டியிடுவதற்காக ஒதுக்கீடு செய்யப்பட்டுள்ளது.
இது தொடர்பாக பாரதீய ஜனதா கட்சியை சேர்ந்த சிடி ரவி பேசுகையில்,' தமிழக சட்டப்பேரவை தேர்தலுக்கு அ.தி.மு.க கூட்டணியில் போட்டியிடும் எங்கள் கட்சிக்கு 20 தொகுதிகள் ஒதுக்கப்பட்டிருக்கிறது. எந்தெந்த தொகுதிகள் என்பது குறித்து விரைவில் அறிவிக்கப்படும்.' என்றார்.
இதனிடையே அ.தி.மு.க கூட்டணியில் இடம் பெற்றுள்ள பாட்டாளி மக்கள் கட்சிக்கு 23 தொகுதிகள் ஒதுக்கீடு செய்யப்பட்டிருக்கிறது என்பது குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM