நோர்வூட் பொலிஸ் பிரிவிற்குட்பட்ட பொகவந்தலாவ லெச்சுமி தோட்டத்தில், இலங்கை தொழிலாளர் காங்கிரஸின் தோட்டத் தலைவரை இரண்டு நபர்கள் நேற்று மாலை தாக்கியுள்ளனர். இதனையடுத்து பிரதேச மக்கள் குறித்த தாக்குதலுக்கு எதிர்ப்பு தெரிவித்து இன்று பணிப்பகிஷ்கரிப்பில் ஈடுபட்டுள்ளனர். தாக்குதலை நடத்தியவர்கள் பொகவந்தலாவ வைத்தியசாலையில் அனுமதிக்கப்பட்டுள்ளனர்.

இதேவேளை தாக்குதலுக்கு இலக்கான நபர் கிழங்கன் வைத்தியசாலையில் அனுமதிக்கப்பட்டுள்ளார்.

தாக்குதலை நடத்தியவர்களை உடனடியாக தோட்டத்தை விட்டு வெளியேற்றுமாறு பிரதேச மக்கள் பணிப்பகிஷ்கரிப்பில் ஈடுபட்டுள்ளனர்.

 சம்பவம் தொடர்பில் பொலிஸார் விசாரணைகளை முன்னெடுத்துள்ளனர்.