தவறவிடாதீர்கள்..!உடனே பதிவு செய்யுங்கள்

கொரோனா வைரஸ் பரவலானது 2022 ஆம் ஆண்டின் தொடக்கத்தில் முடிவடையும் என்று தான் நம்புவதாக ஐரோப்பாவிற்கான உலக சுகாதார அமைப்பின் (WHO) பிராந்திய இயக்குனர் ஹான்ஸ் க்ளூக் ஞாயிற்றுக்கிழமை தெரிவித்துள்ளார்.

எனினும் 2021 ஆம் ஆண்டில் கொவிட்-19 இன்னும் பரவலாக இருக்கும் என்றும் அவர், டென்மார்க்கின் ஒலிபரப்புக் கூட்டுத்தானத்திடம் தெரிவித்துள்ளார்.

மோசமான சூழ்நிலைகள் இப்போது முடிந்துவிட்டதாகக் கூறிய அவர், 2020 ஐ விடவும் 2021 இல் அதன் தாக்கம் குறைவாக இருக்கும் என்றும் குறிப்பிட்டார்.

எவ்வாறாயினும் கொவிட்-19 தொற்றுநோய் தாக்கத்தை  யாரும் முன்கூட்டியே அறிய முடியாது என்று அவர் எச்சரித்தார்.

வேகமாக பரவும் வைரஸ் வகைகளின் காரணமாக கொவிட்-19 க்கு எதிராக உருவாக்கப்பட்ட தடுப்பூசிகளின் செயல்திறனை WHO உன்னிப்பாகக் கண்காணித்து வருவதாகவும், தேவைப்பட்டால் புதிய பிறழ்வுகளின் அடிப்படையில் தடுப்பூசிகளை மாற்ற முடியும் என்றும் ஹான்ஸ் க்ளூக் குறிப்பிட்டார்.