(எம்.மனோசித்ரா)
கொவிட் தடுப்பூசி வழங்கும் செயற்பாடுகளை அரசியல் மயப்படுத்த ஆளுந்தரப்பும் எதிர்தரப்பும் முயற்சிக்கக் கூடாது. இந்த செயற்பாட்டில் அரசாங்கம் தோல்வியடைந்தால் எதிர்கட்சி உள்ளிட்ட முழு நாடும் தோல்வியடையும் என்பதை அனைவரும் நினைவில் கொள்ள வேண்டும் என்று அரச மருத்துவ அதிகாரிகள் சங்கத்தின் பணிப்பாளர் வைத்தியர் ஹரித அலுத்கே தெரிவித்தார்.
கொழும்பில் நேற்று வியாழக்கிழமை நடைபெற்ற ஊடகவியலாளர் சந்திப்பில் இதனைத் தெரிவித்த அவர் மேலும் கூறுகையில் ,கொவிட் கட்டுப்படுத்தலில் அரசாங்கம் தோல்வியடைந்துள்ளது என்று தொடர்ச்சியாக குற்றஞ்சுமத்திக் கொண்டிருப்பதை எதிர்க்கட்சி நிறுத்திக் கொள்ள வேண்டும்.
இந்த விடயத்தில் அரசாங்கம் தோல்வியடைந்தால் எதிர்க்கட்சி உள்ளடங்களாக முழு நாடுமே தோல்வியடைய வேண்டும் என்பதை அவர்கள் நினைவில் கொள்ள வேண்டும்.
குறைகளை கூறி பிரசாரம் செய்து கொண்டிருக்காமல் அவற்றை நிவர்த்தி செய்து பயணிக்க எதிர்க்கட்சி ஒத்துழைக்க வேண்டும்.ஆளுந்தரப்பிலும் இவ்விடயம் தொடர்பில் குறைபாடுகள் உள்ளன.
எதிர்க்கட்சியின் குற்றச்சாட்டுக்களுக்கு பதிலளிப்பதன் மூலம் மக்கள் மத்தியில் அவை தொடர்பில் அநாவசிய நம்பிக்கையை அவர்கள் ஏற்படுத்துகின்றனர்.
மே மாதத்திற்குள் நாட்டிலுள்ள சகலருக்கும் கொவிட் தடுப்பூசிகளை வழங்கி கொரோனாவை முற்றாக ஒழிப்போம் என்று அமைச்சரொருவர் கூறியுள்ளார். அவ்வாறு கூற முடியுமா ? இதனை செய்ய முடியாமல் போனால் மக்களின் நம்பிக்கை முழுவதும் சீரழிந்துவிடும்.
ஆளுந்தரப்பும் எதிர் தரப்பும் கொவிட் தடுப்பூசி வழங்கும் செயற்பாடுகளை அரசியல் மயப்படுத்த முற்படுகின்ற இந்த சந்தர்ப்பத்தில் பொது மக்களுக்கு தடுப்பூசி வழங்கும் செயற்பாடுகள் ஆரம்பமாகியுள்ளன.
இந்த செயற்பாடுகள் ஆரம்பமாகி இரு தினங்கள் நிறைவடைந்துள்ள போதிலும் , தடுப்பூசி ஏற்றிக் கொண்டவர்களுக்கான வழிகாட்டல்கள் இன்னமும் சுகாதார அமைச்சினால் வெளியிடப்படவில்லை என்றார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM