சர்வதேச டி-20 கிரிக்கெட் அரங்கில் 100 ஆவது வெற்றியை பதிவுசெய்த பாகிஸ்தான்

Published By: Vishnu

15 Feb, 2021 | 01:47 PM
image

தென்னாபிரிக்காவுக்கு எதிராக லாகூரின், கடாபி மைதானத்தில் நேற்று நடைபெற்ற மூன்றாவதும் இறுதியுமான டி-20 கிரிக்கெட் போட்டியில் பாகிஸ்தான் அணி நான்கு விக்கெட்டுகளினால் வெற்றி பெற்று டி-20 தொடரை 2:1 என்ற கணக்கில் கைப்பற்றியுள்ளது.

அது மாத்திரமன்றி இந்த வெற்றியின் மூலம் பாகிஸ்தான் அணி சர்வதேச இருபதுக்கு - 20 போட்டிகளில் 100 வெற்றிகளை பதிவுசெய்த முதல் அணி என்ற சாதனையையும் பெற்றது.

அதன்படி பாகிஸ்தான் அணி 164 போட்டிகளில் (டி-20) வியைாடி 100 வெற்றிகளை பதிவுசெய்து முதல் இடத்திலும், இந்தியா 137 போட்டிகளில் (டி-20) விளையாடி 85 வெற்றிகளை பெற்று இரண்டாவது இடத்திலும் உள்ளது.

அதேநேரம் டி-20 சர்வதேச போட்டிகளில் பாகிஸ்தான் வெளியிட்டுள்ள 63 புள்ளிகளுடன் ஒப்பிடும்போது, இந்தியா 65.03 என்ற சிறந்த வெற்றி சதவீதத்தைக் கொண்டுள்ளது. 

பாகிஸ்தானுக்கு சுற்றுப் பயணம் மேற்கொண்டுள்ள தென்னாபிரிக்க அணியானது பாகிஸ்தான் அணியுடன் இரு டெஸ்ட் மற்றும் மூன்று டி-20 போட்டிகள் கொண்ட தொடரில் விளையாடி வருகிறது.

இதில் முதலாவதாக நடைபெற்று முடிந்த டெஸ்ட் தொடரை பாகிஸ்தான் 3-0 என்ற கணக்கில் கைப்பற்றியிருந்தது. 

அதனைத் தொடர்ந்து கடந்த 08 ஆம் திகதி ஆரம்பமான டி-20 தொடரின் முதல் போட்டியில் பாகிஸ்தான் 03 ஓட்டங்களினாலும், நேற்று முன்தினம் நடைபெற்ற டி-20 தொடரின் இரண்டாவது போட்டியில் தென்னாபிரிக்கா 6 விக்கெட்டுகளினாலும் வெற்றி பெற்றிருந்தது.

இந் நிலையில் தொடரின் இறுதியும் மூன்றாவதுமான போட்டி நேற்றைய தினம்  லாகூரில் அமைந்துள்ள கடாபி மைதானத்தில் ஆரம்பமானது.

போட்டியில் முதலில் துடுப்பெடுத்தாடிய தென்னாபிரிக்க அணி நிர்ணயிக்கப்பட்ட 20 ஓவர்கள் நிறைவில் 8 விக்கெட்டுகளை இழந்து 164 ஓட்டங்களை குவித்தது.

தென்னாபிரிக்க அணி சார்பில் அதிகபடியாக டேவிட் மில்லிர் 45 பந்துகளில் 7 சிக்ஸர்கள், 5 பவுண்டரிகள் அடங்கலாக 85 ஓட்டங்களை விளாசித் தள்ளினார்.

165 என்ற வெற்றியிலக்கை நோக்கி பதிலுக்குத் துடுப்பெடுத்தாடிய பாகிஸ்தான் அணி 18.4 ஓவர்களில் 6 விக்கெட்டுகளை மாத்திரம் இழந்து தென்னாபிரிக்க அணி நிர்ணயித்த வெற்றியிலக்கை கடந்தது.

பாகிஸ்தான் அணி சார்பில் அணித் தலைவர் பாபர் அசாம் 44 ஓட்டங்களையும், மொஹமட் ரிஷ்வான் 42 ஓட்டங்களையும் அதிகபடியாக பெற்றனர்.

இந்த வெற்றியின் மூலம் பாகிஸ்தான் அணி மூன்று போட்டிகள் கொண்ட டி - 20 தொடரை 2:1 என்ற கணக்கில் கைப்பற்றியது.

முக்கிய செய்திகள்

icon-left
icon-right

தொடர்பான செய்திகள்

news-image

19 வயதின் கீழ் ஆஸி. அணியை...

2024-03-28 20:03:31
news-image

இலங்கை கால்பந்தாட்ட அணி, ஜனாதிபதியை சந்தித்தது

2024-03-28 17:49:42
news-image

எஸ்.எஸ்.சி.யின் 125 வருட கொண்டாட்ட விழா...

2024-03-28 13:22:56
news-image

பங்களாதேஷுடனான 2ஆவது டெஸ்ட்: உபாதைக்குள்ளான ராஜித்தவுக்குப்...

2024-03-28 13:22:16
news-image

19இன் கீழ் மகளிர் மும்முனை கிரிக்கெட்...

2024-03-28 00:56:33
news-image

சாதனைகள் படைக்கப்பட்ட ஐபிஎல் போட்டியில் மும்பையை...

2024-03-28 00:04:56
news-image

சில்ஹெட் டெஸ்டில் தலா 2 சதங்கள்...

2024-03-27 22:22:22
news-image

இலங்கையில் மகளிர் ரி20 ஆசிய கிண்ண...

2024-03-27 22:09:33
news-image

குஜராத்தை வீழ்த்தி இரண்டாவது நேரடி வெற்றியை...

2024-03-27 01:34:06
news-image

ஐ.பி.எல் 2024 : குஜராத் டைட்டன்ஸ்...

2024-03-26 23:43:35
news-image

ஸ்ரீ லயன்ஸ் அழைப்பு வலைபந்தாட்டப் போட்டியில்...

2024-03-26 19:25:58
news-image

பூட்டானை வீழ்த்தியது இலங்கை : கால்பந்தாட்டத்திலிருந்து...

2024-03-26 16:48:31