தவறவிடாதீர்கள்..!உடனே பதிவு செய்யுங்கள்

கணவனுக்கும், மனைவிக்குமிடையே ஏற்பட்ட வாய்த்தர்க்கம் முற்றவே, ஆத்திரம் கொண்ட மனைவி, மரக்கறி வகைகள் வெட்டும் கத்தியை எடுத்து தனது கணவனை பலமுறை குத்தியுள்ளார்.

இச் சம்பவம் மொனராகலைப் பகுதியின் நக்கலவத்தை என்ற இடத்தில் இன்று இடம்பெற்றுள்ளது.

பலத்த கத்திக் குத்துக்கிலக்கான நபர், ஆபத்தான நிலையில் மொனராகலை அரசினர் வைத்தியசாலையில் அனுமதிக்கப்பட்டு, சிகிச்சை பெற்று வருகின்றார்.

இது தொடர்பான மேலதிக  விசாரணைகளை மேற்கொண்ட மொனராகலை பொலிசார், கத்திக் குத்துக்கிலக்கான நபரின் மனைவியைக் கைதுசெய்துள்ளதுடன், தாக்குதலுக்குப் பயன்படுத்திய இரத்தம் தோய்ந்த நிலையிலான கத்தியையும் கைப்பற்றியுள்ளனர்.

கைதுசெய்யப்பட்ட பெண்ணிடம் மேற்கொள்ளப்பட்டு வரும் விசாரணைகள் நிறைவுற்ற பின்னர், அப் பெண் மொனராகலை மஜிஸ்திரேட் நீதிமன்றத்தில்  ஆஜர் செய்யப்படுவாரென்று மொனராகலை பொலிஸ் நிலையப் பொறுப்பதிகாரி  இந்திக்க கமகே தெரிவித்தார்.